ვიტ ჯორჯია დამდეგი სეზონისთვის მზადებას თბილისში აგრძელებს. დღეს ჩვენი გუნდი ”ავაზას” სტადიონზე საკონტროლო შეხვედრაში პირველლიგელ საჩხერის ”ჩიხურას” გაეჯიბრა და 4:0 დაამარცხა.

პირველი ტაიმის შუაწელში გურამ ადამაძეს შეეძლო თავურით გოლის გატანა, თუმცა მცდელობა უშედეგო აღმოჩნდა. ვიტ ჯორჯიამ მაინც გატეხა მეტოქე - გიორგი ჯანელიძის პასს ვახტანგ კვარაცხელიამ უზადო დარტყმა მიაყოლა და 1:0 (37 წთ).

მეორე ტაიმი ახალი დაწყებული იყო, ბექა ზაქრაძემ სისწრაფის ხარჯზე რომ დაჯაბნა მოწინააღმდეგის დაცვა და ვიტ ჯორჯიას უპირატესობა ორამდე გაზარდა (47 წთ). მატჩის  ბოლოსკენ ბექამ დუბლი შეასრულა (82 წთ), წერტილი კი ბესიკ ჩიმაკაძემ დასვა (84 წთ). ზაქრაძესა და ჩიმაკაძეს მანამდეც ჰქონდათ საგოლე მომენტები.

ვიტ ჯორჯია: მიქაბერიძე (ძაძამია 46) - ბეჭვაია (სარაჯიშვილი 84), ლომაია (კასრაძე 46), ადამაძე (გოგიაშვილი 84), ჭანკვეტაძე (ღანიაშვილი 46) - გურეშიძე (დვალაშვილი 84), მაისაშვილი (ვასაძე 43) - კლიმიაშვილი (კორიფაძე 46), ლიპარტია (ზაქრაძე 46), ჯანელიძე - კვარაცხელია (ჩიმაკაძე 46).